Serikali yatoa ahadi

-

Serikali yaahidi kuzifanyia kazi changamoto za Kikao cha Wadau
-------------------------------------------------
Katibu Mkuu Ofisi ya Rais Tawala za Mikoa na Serikali za Mitaa Mhandisi Mussa Iyombe amesema Serikali itahakikisha inatekeleza maazimio yote yaliyopitishwa kwenye Mkutano wa pamoja wa mwaka wa Wadau wa Elimu uliofanyika kwa siku nne mjini Dodoma.

Mhandisi Iyombe ameyasema hayo wakati akifunga Mkutano wa mwaka wa wadau wa Elimu wenye lengo la kujadili changamoto, mafanikio ya Elimu na kuona namna gani kama wadau wanaweza kutafuta njia ya pamoja ya kuboresha Mfumo wa utoaji wa Elimu Tanzania.

�Nimepokea maazimio yote ya Mkutano huu na nitayawasilisha panapohusika kwa ajili ya utekelezaji lakini pia niwapongeze kwa kazi kubwa mliyoifanya, kuanzia wataalam kutoka Serikalini, sekta binafsi, Mashirika yasiyo ya kiserikali, wadau wa Elimu hakika mmefanya kazi kubwa na kupitia Mkutano huu tutaona mabadiliko makubwa katika Sekta hii ya Elimu� alisema Iyombe.

Akitoa salamu za Wizara Kaimu Katibu Mkuu wa Wizara ya Elimu. Sayansi na Teknolojia Prof Sylvia Temu amesema kikao cha Wadau wa Elimu kimekuwa na tija kwa kuwa pamoja na mambo mengine kimejadili masuala yanayotokana na utafiti wa elimu na kwamba matokeo ya tafiti yaliyoonyesha changamoto yatafanyiwa kazi kwa pamoja kati ya Serikali, Wadau wa Maendeleo na Mashirika yasiyo ya Kiserikali.

Kwa upande wake, Naibu Katibu Mkuu anayeshughulikia Elimu Bw. Tixon Nzunda amesema mojawapo ya maazimio na malengo ni kuhakikisha mifumo yote ya elimu inakuwa elimu jumuishi na Serikali kuhuisha mipango ya elimu iliyopitishwa ambayo itatekelezwa ndani ya miaka mitano.

�moja ya maazimio na makubaliano yaliyofikiwa ni kuhakikisha kwamba Serikali inahuisha mipango yake yote na Wadau wote wa Elimu kuahakikisha kwamba utekelezaji unaelekezwa kwenye Mpango wa kuboresha Sekta ya Elimu kwa miaka mitano ambao umekwisha pitishwa, mifumo yote inayohusu masuala ya elimu kwa maana ya Elimu ya Awali, Msingi, Sekondari, Elimu ya juu, pamoja na Elimu Maalum inakuwa elimu jumuishi kwa maana ya kwamba inahakikisha haimuachi motto yeyote nje ya Mfumo�, alisema Nzunda.

Kwa kuhitimisha mahojiano na Wanahabari, Naibu Katibu Mkuu alisema lengo la jumla katika kikao hicho cha Wadau ni kwenda kutekeleza Mpango wa Elimu wa miaka mitano kuanzia mwaka 2017/18 hadi 2021/22 na kuanzisha kampeni ya kitaifa juu ya suala la elimu jumuishi kwa kuwa suala hili ni la wote na sio Serikali pekee lakini pia kuhakikisha tafiti zote za elimu zinafanyiwa kazi ili kuleta matokeo makubwa katika Sekta ya Elimu nchini.

Kikao cha Wadau wa Elimu na Serikali hufanyika kila mwaka kwa lengo la kuboresha Sekta ya Elimu iliyopana zaidi na changamoto nyingi ambazo zimetatuliwa kwa kiwango kikubwa na Serikali. Aidha,kikao hiki cha siku nne kwa mwaka huu kimekuwa na tija kutokana na washiriki karibu wote kuhudhuria na kushiriki ipasavyo kwa kuchangia hoja.

Comments

Post a Comment

Popular posts from this blog

Kwa kutumia mifano jadili istilahi muhimu katika tamthiliya ya tanzia.

-
Kwa kutumia mifano jadili istilahi muhimu katika tamthiliya ya tanzia. MPANGO KAZI Katika kazi hii, tumelenga kufafanua dhana ya tamthiliya, dhana ya tanzia pamoja na istilahi za msingi katika tamthiliya ya tanzia. Pia kazi  yetu imegawanyika katika sehemu kuu tatu yaani Utangulizi, kiini cha swali, na hitimisho. Katika sehemu ya utangulizi tumejadili dhana ya tamthiliya na tanzia kwa kurejea wataalamu mbalimbali kama vile, TUKI, (2004), Mlama, (1983:203) katika dhana ya tamthiliya. Katika dhana ya tanzia tumeweza kuwatumia wataalamu kama vile Semzaba, (1997) Katika sehemu ya pili ambayo ni kiini cha swali hapa tumeweza kujadili  istilahi mbalimbali za msingi katika tamthiliya ya tanzia. Vilevile katika sehemu ya mwisho ambayo ni hitimisho tumeweka mawazo ya jumla ya kazi yetu. UTANGULIZI. Maana ya tamthiliya. Kwa mujibu wa TUKI, (2004). Tamtiliya ni utungo wa kisanaa ambao huweka wazo fulani katika matendo na mazungumzo. Tamthiliya ni sanaa ya maonyesho, sa...
SOMA ZAIDI >>>

ZIFAHAMU METHALI ZA KISWAHILI ZIPATAZO 600 NA ZAIDI

-
METHALI MIA SITA NA KUMI ZA KISWAHILI (610) METHALI MIA SITA NA KUMI (610) 1. Aanguaye huanguliwa. 2. Asiye sikia la mkuu, huvunjika guu. 3. Abebwaye hujikaza. 4. Adhabu ya kaburi aijuae maiti. 5. Adui aangukapo, mnyanyue. 6. Adui mpende. 7. Adui wa mtu ni mtu. 8. Afadhali ya Musa kuliko ya Firauna. 9. Ahadi ni deni. 10. Ajidhaniaye amesimama, aangalie asianguke. 11. Akiba haiozi. 12. Akili ni mali. 13. Akili ni nywele kila mtu ana zake. 14. Akili nyingi huondowa maarifa. 15. Akutukanae hakuchagulii tusi. 16. Akipenda chongo huita kengeza. 17. Akufaae kwa dhiki, ndiye rafiki. 18. Akufanyiaye ubaya, mlipe wema. 19. Akupaye kisogo si mwenzio. 20. Akutendaye mtende, mche asiyekutenda. 21. Alisifuye jua, limeuangaza. 22. Aliye juu msubiri chini. 23. Aliye kando, haangukiwi na mti. 24. Aliye kupa wewe kiti (kibao) ndiye aliye nipa mimi kumbi. 25. Aliye kutwika, ndiye atakaye kutua. 26. Akufukuzae hakwambii toka. 27. Aliyekupa mkeka ndiye aliyenipa kumbesa. 28. A...
SOMA ZAIDI >>>

Uhakiki wa tamthiliya ya nguzo mama kwa kutumia nadharia ya saikochanganuzi

-
UTANGULIZI Kazi hii imegawanyika katika sehemu kuu tatu. Sehemu hizo ni utangulizi, kiini na hatimaye hitimisho. Katika utangulizi tumeweza kufafanua maana ya nadharia kwa kuwarejerea wataalamu mbalimbali ambao kwa kiasi kikubwa wameelezea vizuri maana ya nadharia. Wataalamu hao ni kama vile Masamba (2009), Sarantakos (1997), Martin E. Amin (2005). Lakini pia katika kiini tumeweza kujikita moja kwa moja na swali letu jinsi linavyotaka kuwa tutumie nadharia ya saikochanganuzi ili kuhakiki tamthiliya ya NGUZO MAMA. Hivyo katika sehemu hii ya kiini tumeweza kuonesha jinsi gani nadharia hii ya saikochanganuzi ilivyojidhihirisha kwenye kitabu cha NGUZO MAMA kutokana na wahusika mbalimbali kama vile Bi moja, Bi pili, Bi tatu, Bi nne, Bi tano, Bi sita, Bi saba, Bi nane na wahusika wengineo kama chizi. Hivyo basi katika kazi yetu tumeweza pia kuhitimisha kazi kwa kutoa mawazo kuwa ni jinsi gani wanawake wa patata wameweza kupambana vikali dhidi ya kuinua NGUZO MAMA kwa kuanzisha miradi mbalim...
SOMA ZAIDI >>>